आमा

Spread the love

मैले संसार हेरी हास्ता तिमी पक्कै रोयौ होला
काखमा राखी लुटुपुटु शिर मेरो छोयौ होला

स्याहार सुसार मेरै लागि कोक्रो तिमीले हल्लाएर
लिटो मिठो खुवाउदै खुसी आफ्ना खोयौ होला

रमाइला ठट्टा मेरा लुकिछुपी मैले गर्दा
खोज्दै मलाई हडबडाउदै तिमी पक्कै रोयौ होला

सपनामा लड्खडाउदै ठेस लागि लड्दा म
छोरो भनि कराउदै निदमै तिमी रोयौ होला

भूल मैले गरे पनि माफ तिमीले गरेकै हौ
पुन:आर्शीवाद स्वरुप शिर मेरो छोयौ होला

Leave a Comment

Your email address will not be published.